صندوق الوارد المشترك

كل المحادثات في Inbox واحد، ولكل محادثة مسؤول واحد

واتساب وإنستجرام وماسنجر وتليجرام وتيك توك وX والإيميل والكومنتات على بوستاتك وإعلانات فيسبوك وفورم الموقع بيوصلوا في نفس القائمة. كل محادثة ليها مسؤول باسمه، وعدّاد وقت، وتاريخ واضح، فمفيش عميل يترد عليه مرتين ولا عميل يتساب على "تمت القراءة".

  • واتساب
  • إنستجرام
  • ماسنجر
  • إعلانات فيسبوك لجمع البيانات
  • نموذج موقعك
  • تجربة 14 يوم
  • من غير كارت
  • عربي وإنجليزي

باختصار

الـ shared inbox بيجمع رسايل العملاء من كل القنوات في قائمة واحدة الفريق كله بيشتغل منها. وصلة بتضيف الجزء اللي أغلب الأدوات بتنساه: كل محادثة مع شخص واحد في الوقت الواحد، والمسؤول شايف العميل مستني بقاله قد إيه، ولو مردّش في الوقت المحدد المحادثة بتروح لأول زميل جاهز.

المشاكل اللي بتحصل من غيره

  • واتساب الشركة على موبايل واحد. لو صاحبه أجازة أو في اجتماع، العملاء بيستنوا لبكرة.
  • تلاتة سيلز بيردوا على نفس العميل على إنستجرام بتلات أسعار مختلفة، لأن محدش شايف مين بيكلمه.
  • المدير يسأل "حد كلم الست بتاعة إعلان الجمعة؟" والإجابة الحقيقية إن محدش عارف.
  • لما سيلز يمشي، محادثاته بتمشي معاه على رقمه الشخصي.

وصلة بتتعامل معاها إزاي

  1. اربط قنواتك

    اربط رقم واتساب بيزنس وحساب إنستجرام وصفحة فيسبوك (ماسنجر والـ lead ads) وفورم الموقع من الإعدادات. العملاء بيكلموا نفس الأرقام والصفحات زي ما هم.

  2. كل محادثة جديدة ليها مسؤول

    المحادثات الجديدة بتروح بالدور لأول شخص حاطط نفسه "جاهز". وممكن تخلي الفريق ياخد المحادثات بنفسه، أو المشرف يوزعها. وفي كل الحالات اسم المسؤول ظاهر للكل.

  3. رد واكتب ملاحظة وسلّم في مكان واحد

    رد بنص أو مرفقات أو قوالب واتساب المعتمدة. اكتب ملاحظات داخلية العميل مش بيشوفها. ولو حد تاني أنسب، حوّل المحادثة والسبب بيتسجل.

  4. فلتر اللي يهمك دلوقتي

    قوائم "بتاعتي" و"من غير مسؤول" و"مستنيين ردنا" و"متأخرة" بتخلي كل واحد يبدأ يومه صح. والبحث بيلاقي العميل بالاسم أو الرقم في كل القنوات.

  5. اقفل بسبب

    لما تقفل محادثة بتختار سبب قصير (اشترى، مش مهتم، رقم غلط، أو أسبابك). ده بيديك أرقام نضيفة بعدين بدل التخمين.

صباح حقيقي على الـ Inbox

الساعة 9:05 عميلة بترد على إعلان شقق غرفتين وبتبعت على واتساب. وصلة بتربط المحادثة بالـ lead اللي الإعلان عمله، فالسيلز بيشوف إجابات الفورم (الميزانية، المنطقة، الرقم) جنب المحادثة. منى عليها الدور وجاهزة، فالمحادثة بقت بتاعتها. الساعة 9:09 بترد بقالب البروشور. الساعة 9:40 العميلة بتسأل عن خطة سداد منى مش عارفاها؛ بتكتب ملاحظة داخلية وتنادي التيم ليدر، وهو بيرد في نفس المحادثة. العميلة شايفة شركة واحدة بتكلمها، مش تلات أشخاص.

مين بيشوف إيه

الصلاحيات بتحدد الشخص يشوف محادثاته بس، ولا محادثات فريقه، ولا كله. المسؤول بس هو اللي يقدر يرد، عشان محدش يبعت في نفس اللحظة؛ والمشرف اللي عنده صلاحية يقدر ياخد المحادثة بضغطة، والاستلام ده بيتسجل.

أسئلة بتتسأل كتير

يعني إيه shared inbox لواتساب؟

شاشة واحدة الفريق كله بيقرا ويرد منها على رسايل رقم واتساب الشركة (وغالبًا قنوات تانية)، بدل ما الموبايل يلف على الكل. وصلة shared inbox معمول لفرق المبيعات، فيه مسؤول لكل محادثة وعدّاد للرد وتوزيع بالدور.

العملاء محتاجين يغيروا حاجة؟

لأ. بيكلموا نفس رقم واتساب وحساب إنستجرام وصفحة فيسبوك. التغيير عندك انت بس.

ممكن اتنين يردوا على نفس المحادثة بالغلط؟

لأ. المحادثة ليها مسؤول واحد، وهو بس اللي يبعت. الباقي يقدروا يكتبوا ملاحظات داخلية، والمشرف يقدر يستلم والاستلام بيتسجل.

أقدر أفضل أستخدم واتساب على الموبايل؟

لو الرقم على تطبيق WhatsApp Business، غالبًا أيوه: خاصية الـ coexistence من ميتا بتخلي نفس الرقم يشتغل على التطبيق وفي وصلة، والمحادثات بتظهر في الاتنين. ميتا بتذكر شوية حدود ومش كل الأرقام تنفع، وأرقام واتساب الشخصية ما ينفعش تتربط. شوف صفحة ربط WhatsApp Business.

إيه القنوات المتاحة؟

واتساب، ورسايل إنستجرام، وماسنجر، وتليجرام، وتيك توك، ورسايل X، والإيميل (Gmail أو Outlook أو IMAP)، والكومنتات على بوستاتك في فيسبوك وإنستجرام وتيك توك ولينكدإن ويوتيوب في الباقات اللي فيها النشر على السوشيال، وإعلانات فيسبوك lead ads، وفورم الموقع. الـ SMS والمكالمات لسه مش متاحين في مصر والخليج. وكل باقة فيها عدد حسابات متوصلة؛ شوف صفحة الأسعار.

جرّب الـ Inbox بمحادثات تجريبية

افتح الديمو من غير تسجيل، أو ابدأ تجربة 14 يوم. من غير كارت.